من صغر سيني
من صغر سيني وانا شايل الهم
شايل هموم كتير وبقول مش مهم
اهي بكره تتعدل والفرح يمحي الهم
وكل يوم بيزيد همومي واهو علي حالي مستني
وايه في ايديه غير استني
استني يجي النهار وميجيش
استني يمشي الظلام ومبيمشيش
استني يجي الفرح ويمحي الهم ومبيمحيش
من صغر سيني بقعد اغني
وبقول ياليل وبقول ياعين
اتري الليل ده السواد اللي ملزمني
واتري العين دي الدموع اللي بقت حته مني
كنت حاسس من صغر سيني اني شيل هموم الكون
والفرح في حياتي عمره ما هيجي ولا هيكون
من صغر سيني واستاذي بيقولي ياشاعر
ودلوقتي فعلا حاسس اني شاعر
شاعر بالمر والهم
شاعر بطعم العذاب وبشرب كأس المر
شاعر بشعب بيموت واخواته مفضلش منهم غير سكوت
شاعر بشباب اده لحبيبته كل شئ
وهي بتتسى واخر الحكايه اهو قلبه بيموت
شاعر بالخوف من بكره اللي يجي اسوأ من اللي بعده
واخيرا عرفت اني شاعر في زمن بلا مشاعر
موضوع: *** من صغر سنى وانا شايل همى *** 